blog.agrosphere.ge - აგროსფეროს ბლოგი #ვაშლიblog.agrosphere.ge - აგროსფეროს ბლოგი #ვაშლიhttps://blog.agrosphere.ge/blogs/tag/ვაშლიThu, 19 Mar 2026 00:26:31 -0700http://zoho.com/sites/<![CDATA[Felco 2-ს 75 წელი შეუსრულდა, როგორ დააკავშირა ინოვაციურმა ხელსაწყომ თაობები?]]>https://blog.agrosphere.ge/blogs/post/felco-2-ს-75-წელი-შეუსრულდა-როგორ-დააკავშირა-ინოვაციურმა-ხელსაწყომ-თაობებისიზუსტის, სანდოობისა და უმაღლესი ხარისხის სიმბოლოდ ქცეული სასხლავი მაკრატელი Felco-2 უკვე 75 წლისაა.]]>

Felco 2-ს 75 წელი შეუსრულდა – როგორ დააკავშირა ინოვაციურმა ხელსაწყომ თაობები? 

სიზუსტის, სანდოობისა და უმაღლესი ხარისხის სიმბოლოდ ქცეული სასხლავი მაკრატელი Felco-2 უკვე 75 წლისაა. ამ ხნის განმავლობაში მან მოახერხა მებაღეებისა და მევენახეების რჩეულ ხელსაწყოდ დარჩენილიყო და დღემდე შეენარჩუნებინა ერთ-ერთი ყველაზე ინოვაციური სამუშაო იარაღის სტატუსი.

 

Felco 2 ბაზარზე პირველად 1948 წელს გამოჩნდა და ინოვაციური მახასიათებლების დამსახურებით მაშინვე მიიქცია მომხმარებელთა ყურადღება. ის იმ დროისთვის არსებული სასხლავი მაკრატლებისგან გამძლეობით, სიმსუბუქით, ერგონომიულობით გამოირჩეოდა და  უზრუნველყოფდა ზუსტსა და სუფთა ჭრას. ეს მახასიათებლები, რომლებიც დროთა განმავლობაში კიდევ უფრო დაიხვეწა და გაუმჯობესდა, დღემდე გამოარჩევს Felco-ს სხვა მსგავსი სასხლავი ხელსაწყოებისგან. სწორედ ამიტომ, ის ისეთივე პოპულარობით სარგებლობს თანამედროვე მებაღეებსა თუ მევენახეებში, როგორც მათ წინამორბედებში.

 

თამამად შეიძლება ითქვას, რომ Felco 2-მა თავისი ხანგრძლივი ისტორიის მანძილზე ფერმერთა სხვადასხვა თაობის გაერთიანება შეძლო. არაერთი მებაღე და მევენახე აღნიშნავს, რომ მათი რჩეული სამუშაო იარაღი უკვე ათწლეულებს ითვლის და რომ ის მემკვიდრეობით თავიანთი მშობლებისა და ბებია-ბაბუებისგან  ერგოთ. 

„ჩემი რჩეული ხელსაწყო თითქმის 70 წლისაა. ის ერთ-ერთი პირველი Felco 2-ია, რომელიც მამაჩემმა 14 წლის ასაკში მაჩუქა. მას კი ხელსაწყო ბაბუაჩემისგან ერგო მემკვიდრეობით. ჩვენი ოჯახისთვის Felco მხოლოდ სასხლავი მაკრატელი არ არის, ის ჩვენს თაობებს ერთმანეთთან აკავშირებს“, – ამბობს მარკო ბეკერი, მევენახე გერმანიის ქალაქ მაინციდან.

 

Felco შვეიცარიული კომპანიაა, რომელიც სამუშაო იარაღებსა და აქსესუარებს აწარმოებს, მათ შორისაა ინოვაციური სასხლავი მაკრატლები, სამყნობი დანები და ხერხები. Felco პროდუქციის დასამზადებლად უმაღლესი ხარისხის მეტალებს იყენებს, რაც მის პირვანდელი სახით შენარჩუნებას დიდი ხნის განმავლობაში უზრუნველყოფს. კომპანია დიდ მნიშვნელობას ანიჭებს იარაღების დიზაინსა და ერგონომიულობასაც. სწორედ ამიტომ, Felco-ს სამუშაო იარაღები არა მხოლოდ გამძლეა, არამედ მოსახერხებელი და მარტივად გამოსაყენებელიც. Felco-მ ხელმისაწვდომი გახადა 

სამუშაო იარაღების სათადარიგო ნაწილებიც, რათა მომხმარებლებს ახალი ხელსაწყოს შეძენის სანაცვლოდ, ცვეთადი დეტალების გამოცვლა შესძლებოდათ.

 

Felco-ს პროდუქციის ფართო ასორტიმენტის დათვალიერებასა და შეძენას ჩვენს მაღაზიათა ქსელში შეძლებთ. აქვე იპოვით ხელსაწყოების სათადარიგო ნაწილებსა და აქსესუარებს. კითხვების შემთხვევაში ან/და „აგროსფეროს“ ფილიალების სანახავად გადადით ბმულზე. 

]]>Tue, 26 Mar 2024 13:57:45 +0400<![CDATA[პროფესიონალური დანიშნულების ელექტრო ხელსაწყოები]]>https://blog.agrosphere.ge/blogs/post/პროფესიონალური-დანიშნულების-ელექტრო-ხელსაწყოებიდღეს ჩვენ ვისაუბრებთ პროფესიონალური დანიშნულების ელექტრო სასხლავი მაკრატლებისა და საკავებლის შესახებ, ფრანგული კომპანია PELLENC-ის ელექტრო მაკრატლების C35, C45-ისა და FIXION 2-ის მაგალითზე.]]>

პროფესიონალური დანიშნულების ელექტრო ხელსაწყოები

დღეს ჩვენ ვისაუბრებთ პროფესიონალური დანიშნულების ელექტრო სასხლავი მაკრატლებისა და საკავებლის შესახებ, ფრანგული კომპანია PELLENC-ის ელექტრო მაკრატლების C35, C45-ისა და FIXION 2-ის მაგალითზე.


პირველ რიგში აღვნიშნოთ, რომ ელექტრო ხელსაწყოების ძალიან დიდი არჩევანი არსებობს, ისინი განსხვავდებიან ხარისხობრივად და დანიშნულებით. თავიდანვე გვსურს გავმიჯნოთ ერთმანეთისგან სამოყვარულო და პროფესიონალური დანიშნულების ელექტრო ინსტრუმენტები, გარდა გამოყენების სპეციფიკისა, მათ შორის ფასის მხრივაც რადიკალური სხვაობაა და ერთმანეთთან შედარებაც ყოველგვარ აზრს მოკლებული გახლავთ.


პროფესიონალური დანიშნულების ელექტრო ხელსაწყოები გამოირჩევა წარმადობით, სიზუსტით, უსაფრთხოებით, ელემენტის ხანგრძლივი მუშაობით, ეკონომიურობით, ერგონომიულობით და კომფორტული გამოყენებით, ეს ყველაფერი გვაძლევს საშუალებას დავზოგოთ ფინანსები სხვლა-ფორმირების თუ ვაზის ახვევის/დაკავების ოპერაციებში. ვეცდებით ნათლად გაჩვენოთ განსხვავებები და უპირატესობები, რაც დაგეხმარებათ გადაწყვიტოთ გჭირდებათ თუ არა PELLENC-ის პროფესიონალური დანიშნულების ელექტრო ხელსაწყოები თქვენს მეურნეობაში.


თავიდან მოგიყვებით ელექტრო მაკრატლების C35 და C45-ის შესახებ, ხოლო შემდგომ გაგაცნობთ ელექტრო საკავებელს, PELLENC FIXION 2-ს.

ელექტრო სასხლავი მაკრატლები PELLENC C35-C45

ჩვენს ქვეყანას, საქართველოს მეღვინეობის დიდი ტრადიცია გააჩნია და ყოველწლიურად იზრდება გაშენებული ვენახების ფართობები, არც ხეხილის ფართობები ჩამორჩება განვითარებით. გაზრდილ ფართობებს ყოველწლიურად მეტი ფიზიკური სამუშაო სჭირდება, მათ შორის რასაკვირველია სხვლა-ფორმირებისთვისაც. ამასთანავე წლიდან-წლამდე, სხვადასხვა ფაქტორების გამო, მცირდება ფიზიკური მუშახელის რაოდენობა, რაც შესაბამისად იწვევს მომსახურების ფასების ზრდას. ამ პირობებში, მევენახეები დგებიან რეალობის წინაშე, როცა საჭიროა გაზარდო თითოეული პირის წარმადობა და ეფექტურობა, რომელიც სხვლა-ფორმირების პროცესშია ჩართული. ერთ სამუშაო დღეში, ერთ პირს უნდა შეეძლოს უფრო მეტი და მეტი ტერიტორიის დაფარვა.


სანამ სასხლავი მაკრატლის ეფექტურობას და წარმადობას შევაფასებთ, მოდით ორიოდე სიტყვით მის სხვა უპირატესობებზე ვისაუბროთ. აღსანიშნავია მისი უსაფრთხოება, PELLENC-ის ელექტრო მაკრატლის გამოყენებისას გამორიცხულია შემთხვევითი დაზიანება, რადგან მჭრელ პირთან შეხებისთანავე, Activ’Security უსაფრთხოების სისტემა მყისიერად აჩერებს მაკრატლის მუშაობას.

PELLENC-ის პროფესიონალური დანიშნულების ერთერთი დასტურია მისი ელემენტების მუშაობის ხანგრძლივობა, ერთი დატენვით მთელ სამუშაო დღე გამოიყენებთ.


აწყობის ხარისხი ძალიან მაღალია, თითოეული ჭანჭიკი და ხრახნი უმაღლესი ხარისხის მასალებისგან გახლავთ დამზადებული, ხოლო გეგმიური ტექნიკური სერვისის ინტერვალი 400 საათამდეა გაზრდილი.

PELLENC-ის ელექტრო მაკრატლები გამორჩეულად კომფორტულია გამოსაყენებლად, იდეალურად ბალანსირებულია და მისი წონა მხოლოდ 720 გრამია.


გაგაცნობთ ამ სასხლავი მაკრატლების კომპლექტაციას: 

  • თითოეულ მაკრატელს გააჩნია უნიკალური სერიული ნომერი
  • კომპლექტი განთავსებულია ჩემოდანში, რომელიც აადვილებს მის გადატანას
  • კომპლექტში შედის:
    • ელექტრო სასხლავი მაკრატელი
    • ელემენტი დამტენით
    • წელზე სამაგრი ქამარი, ელექტრო მაკრატლის შალითით და მკლავზე სადენის სამაგრით
    • საპოხი მასალა
    • სალესი ქვა
    • ქანჩი
    • და რასაკვირველია გამოყენების ინსტრუქცია

ელექტრო სასხლავ-მაკრატლებს გააჩნია სხვადასხვა ჭრის რეჟიმები, რომლებიც ელემენტზე განთავსებული ღილაკებით იცვლება და მასზეა დამოკიდებული მჭრელი პირების გახსნის სიჩქარე და რადიუსი.


უკვე მის მთავარ უპირატესობაზე, ჭრის სიზუსტეზე/სუფთა ჭრაზე, წარმადობასა და ეფექტურობაზე გადავიდეთ.

PELLENC C35-ის გამოყენებისას, სამუშაო პროცესი მარტივდება, რადგან ფიზიკური დატვირთვა აღარ გვაქვს და შესაბამისად ელექტრო სასხლავი მაკრატლის გამოყენებით, შეგვიძლია ერთ სამუშაო დღეში ბევრად მეტი ფართობის გასხვლა, ვიდრე მექანიკური მაკრატლის გამოყენებისას.


ამ ყველაფერში დასარწმუნებლად, ჩვენ მცირე ექსპერმენტი ჩავატარეთ ყვარელში, ჩვენსავე ვენახში, სადაც პროფესიონალური მექანიკური და ელექტრო მაკრატლების გამოყენებით გაისხლა ვენახი, გარდა ამისა ექსპერიმენტი მოიცავდა ელექტრო საკავებლის, PELLENC FIXION-სა და საქართველოში ფართოდ გავრცელებული მექანიკური საკავებლის შედარებას.

ელექტრო საკავებელი PELLENC FIXION 2

ექსპერიმენტმა აჩვენა, რომ PELLENC-ის ელექტრო მაკრატლების გამოყენებისას, ძირითადი უპირატესობა იგრძნობა, იმ მხრივ, რომ სხვლისას ხელი ფაქტიურად არ იღლება და ერთ სამუშაო დღეში გაცილებთ მეტ ფართობს ვფარავთ, ხოლო FIXION 2-ის გამოყენებისას დაკავების სისწრაფე რამდენიმეჯერ აღემატება მექანიკურ საკავებელს, შესაბამისად დაკავების ოპერაციებისთვის თითოეულ ჰექტარზე გაღებული დანახარჯები მცირდება, რაც დროთა განმავლობაში საკმაოდ დიდი ეკონომიის გაკეთების საშუალებას გვაძლევს. 1 ჰექტარზე გაღებული ხარჯები მცირდება საშუალოდ 2-2.5-ჯერ.


FIXION 2-ის კომპლექტაციაში შედის:

  • თავად ელექტრო დამაკავებელი
  • წელზე სამაგრი ქამარი და ხელსაწყოს შალითა
  • მცირე ხვიის ინსტრუმენტზე სამაგრი და დიდი ხვიის წელზე სამაგრები
  • ასევე მავთულის ამოსაღები ბრტყელტუჩა

Pellenc Fixion 2 ძალიან ამარტივებს ყოველდღიურ სამუშაოს, მისი გამოყენებით შესაძლებელია დღის განმავლობაში 12000 ხვია გააკეთოთ ზედმეტი ძალისხმევის გარეშე. აღსანიშნავია, რომ ხელმისაწვდომია 5 სხვადასხვა ტიპის ხვია, როგორც სტანდარტული, მეტალის ხვია პლასტიკის გარსით, ასევე ბიოდეგრადირებადი ხვია, რომელიც 8-10 თვეში დეგრადირდება, ხელმისაწვდომია უჟანგავი მეტალის ხვია, რომელიც ძირითადად წვეთოვანი მილების მონტაჟისთვის გამოიყენება და ორი სხვადასხვა სისქის მეტალის ხვია ქაღალდის გარსით, რომელი 6-9 თვეში დეგრადირდება და სხვადასხვა დაწოლაზე გახლავთ გათვლილი.


Pellenc Fixion 2 გამოიყენება 25 მმ-მდე სისქის ტოტების ასახვევად და წუთში 30 ხვიამდე შეუძლია გააკეთოს, იგი კარგად მანევრირდებადი და მარტივად გამოსაყენებელია.


PELLENC-ის ელექტრო ინსტრუმენტები განკუთვნილია თანამედროვე ფერმერებისთვის, რომელთაც სურთ თავიან მეურნეობებში გაზარდონ ფიზიკური მუშახელის ეფექტურობა და შესრულებული სამუშაოს ხარისხის, ამავდროულად შეამცირონ სამუშაო გაწეული დრო და შესაბამისად გაწეული დანახარჯები.

]]>Wed, 07 Feb 2024 19:15:27 +0400<![CDATA[მზადება დიდი შემოდგომისთვის - კამპანიის შეჯამება]]>https://blog.agrosphere.ge/blogs/post/მზადება-დიდი-შემოდგომისთვისჩვენ საკუთარ მთავარ ამოცანად თანამედროვე ფერმერთა მხარდაჭერას, მათი ხარისხიანი სასოფლო-სამეურნეო პროდუქციითა და აგროტექნიკით უზრუნველყოფას მივიჩნევთ და გვსურს, რომ თანამედროვე წარმატებული ფერმერების რეალური ისტორიები ფართო საზოგადოებამდე მივიტანოთ.]]>

"მზადება დიდი შემოდგომისთვის" კამპანიის ფარგლებში 18 თანამედროვე ფერმერის ისტორია ვიდეო სერიაში გავაერთიანეთ

კამპანიების „მზადება დიდი შემოდგომისთვის“ და „დიდი შემოდგომა“ ფარგლებში საზოგადოებას 18 თანამედროვე ფერმერი გავაცანით. გადამღებ ჯგუფთან ერთად, საქართველოს რეგიონებში ათზე მეტი სოფელი მოვიარეთ და ვიდეო სერია გადავიღეთ. ვიდეო სიუჟეტები შეიცავს იმ ადამიანების ისტორიებს, რომლებიც დღეს საქართველოში თანამედროვე სტანდარტების შესაბამის სასოფლო–სამეურნეო კულტურებს აწარმოებენ.

ვიდეოსიუჟეტები მაყურებელს აცნობს თვალწარმტაც ვენახებს, ატმის, კაკლის, თხილის, ნუშის ბაღებს. ასევე დაათვალიერებენ იდეალურად მოვლილ კომბოსტოს, ხორბლისა და სიმინდის ყანებს. სიუჟეტების მთავარი ხიბლი მაინც ის ადამიანები არიან, რომლებიც მუხლმოუხრელი შრომით, თანამედროვე ტექნოლოგიებისა და მიდგომების დანერგვით ქმნიან ჯანსაღ პროდუქტს და მთელ ქვეყანას ამარაგებენ.

ჩვენი კამპანიის და ამ ვიდეო სერიის ერთ-ერთი გმირი ამბობს, რომ „დიდი იდეის გარეშე არც ერთი საქმის წამოწყება არ ვარგა. ვგულისხმობ, რომ ხარისხით უნდა გავითქვათ სახელი“. ასეთი მიდგომა კამპანიის თითოეულ ვიდეოსიუჟეტს გაჰყვება ლაიტმოტივად და ფერმერები პრიორიტეტად სწორედ ჯანსაღი და ხარისხიანი პროდუქტის შექმნას ასახელებენ.

ფერმერები კადრში გვიყვებიან თანამედროვე ტექნოლოგიებსა და მეთოდებზეც, რომლებიც თანამედროვე საუკეთესო ხარისხის შესაბამისი სასოფლო-სამეურნეო კულტურების საწარმოებლად ნერგავენ. გვაცნობენ თავისი სავარგულებისთვის შერჩეულ საუკეთესო სათესლე მასალებს, სასუქებსა და მცენარეთა დაცვის საშუალებებს. ფერმერები განმარტავენ, თუ რატომ და როგორ გახდა ყოველივე ზემოხსენებული მათი ცხოვრების ყოველდღიურობა.

ჩვენ საკუთარ მთავარ ამოცანად თანამედროვე ფერმერთა მხარდაჭერას, მათი ხარისხიანი სასოფლო-სამეურნეო პროდუქციითა და აგროტექნიკით უზრუნველყოფას მივიჩნევთ და გვსურს, რომ თანამედროვე წარმატებული ფერმერების რეალური ისტორიები ფართო საზოგადოებამდე მივიტანოთ. 

„მზადება დიდი შემოდგომისთვის“ და „დიდი შემოდგომა“ ამ ეტაპზე დასრულდა, თუმცა ჩვენი გუნდი უახლოეს მომავალში სხვა საინტერესო კამპანიებს გეგმავს, რომელთა მეშვეობითაც კიდევ უფრო მეტ თანამედროვე ფერმერსა და წარმატებულ მეურნეობებს გაგაცნობთ.

]]>Wed, 31 Jan 2024 19:24:22 +0400<![CDATA[თანამედროვე ფერმერი - ილია მიშჩენკო]]>https://blog.agrosphere.ge/blogs/post/თანამედროვე-ფერმერი-ილია-მიშჩენკო„ფერმერობაში მომწონს ის, რომ პროცესი ძალიან მგრძნობიარეა“]]>

„ფერმერობაში მომწონს ის, რომ პროცესი ძალიან მგრძნობიარეა“ – როგორ მოჰყავს ილია მიშენკოს საუკეთესო ვაშლი

თანამედროვე ფერმერმა, ეროვნებით უკრაინელმა ილია მიშენკომ მამასთან ერთად ვაშლის ბაღების გაშენება 10 წლის წინ დაიწყო. იდეა მამას გაუჩნდა, მას შემდეგ, რაც ბელგიაში მსგავსი ბაღები ნახა. იდეის განხორციელების ადგილად კი საქართველო აირჩიეს. 

„ფერმერობაში მომწონს ის, რომ პროცესი ძალიან მგრძნობიარეა. ეს არ ჰგავს საწარმოში მუშაობას, არც საქმიანობას 9-დან 6 საათამდე. ეს არის საქმე, 24 საათიანი სამუშაო გრაფიკით“, – აღნიშნავს ილია მიშენკო. 

ილიამ და მისმა მამამ ბაღების გაშენება 5 ჰექტარ მიწაზე დაიწყეს, წლიდან წლამდე მეურნეობა გაზარდეს და დღეს ვაშლი 33 ჰექტარ ტერიტორიაზე მოჰყავთ. მათ ბაღებში შვიდამდე ჯიშის ვაშლი ხარობს, მათ შორის, გალა, გოლდენი, ფუჯი და უკრაინული სიმირენკო. ილია ყოველ წელს დაახლოებით 300 ტონა მოსავალს იღებს. წლევანდელი შემოდგომა კი უფრო უხვი გამოდგა. როგორც ფერმერი ამბობს, ვაშლი ზომაშიც უფრო დიდია და ხარისხითაც უკეთესი. 


ილია მიშენკო თავისი წარმატების მიზეზად რამდენიმე ფაქტორს გამოყოფს. პირველი, აგროტექნიკაა, რომელიც მას სამუშაოების სწრაფად შესრულებასა და აგროვადების დაცვაში ეხმარება. მის მეურნეობაში განსაკუთრებით დიდ როლს ტრაქტორები და შემასხურებლები თამაშობს. „თუკი წამლობას სამი ან ზოგჯერ ერთი დღით მაინც დააგვიანებ, დაზარალდები. მისი შედეგები კი ერთი თვის ან თვენახევრის შემდეგ იქნება შესამჩნევი. ამიტომ სწრაფად მოქმედება აუცილებელია“, – აღნიშნავს ილია. 

ფერმერი მისი მეურნეობის წარმატების მიზეზად ასახელებს ხარისხიან სასუქებსა და პესტიციდებსაც. მისი დაკვირვებით, უხარისხო მცენარეთა დაცვის საშუალებებს პირველი ორ წლის განმავლობაში გარკვეული შედეგი მაინც მოაქვს, თუმცა მოგვიანებით ისეთი პრობლემები იჩენს თავს, რომელთა გამოსწორებაც დიდ ძალისხმევას მოითხოვს. 

ბოლოს კი ილია მეურნეობაში კოლექტივის მნიშვნელობას უსვამს ხაზს. „პირველ რიგში, აქ ადამიანები მუშაობენ, რომელთა შრომასაც ეყრდნობა ჩვენი წარმატება“, – აღნიშნავს ის. 

]]>Thu, 09 Nov 2023 12:39:02 +0400<![CDATA[თანამედროვე ფერმერი - ლევან სირბილაძე]]>https://blog.agrosphere.ge/blogs/post/თანამედროცე-ფერმერი-ლევან-სირბილაძეგაიგე როგორ გააშენა ლევან სირბილაძემ საოცნებო ვაშლის ბაღები]]>

„ძალიან რთულია, მაგრამ ძალიან საამაყოც არის, როდესაც გაქვს კარგი მეურნეობა“ – თანამედროვე ფერმერი ლევან სირბილაძე

თანამედროვე ფერმერი, ლევან სირბილაძე ბავშვობიდან ოცნებობდა, საკუთარი ვაშლის ბაღები ჰქონოდა. წლების შემდეგ ოცნება აიხდინა და დღეს გორის რაიონ სოფელ კვარხეთში სხვადასხვა ჯიშის ვაშლი მოჰყავს. როგორც თავად ამბობს, ბაღების გაშენება მარტივი არ ყოფილა, ის დიდი შრომისა და განვითარებისკენ მუდმივი სწრაფვის შედეგია.

 

„სიამაყის გრძნობა გეუფლება, რომ უყურებ შენს ნაშრომს. მარტო შენ იცი, რამდენი წვალება, რამდენი ნერვიულობა, რამდენი ფიქრი გიწევს იმისთვის, რომ ეს შედეგი მიიღო. ძალიან რთულია, მაგრამ ძალიან საამაყოც არის, როდესაც გაქვს კარგი მეურნეობა“, – აღნიშნავს ლევან სირბილაძე.

 


ლევანის ამოცანა მხოლოდ უხვი მოსავლის მიღება არ არის – ის ცდილობს პროდუქცია უმაღლესი ხარისხის იყოს, რადგან მიიჩნევს, რომ ქართულ ბაზარს სწორედ ეს სჭირდება. ფერმერს ჯანსაღი პროდუქტების მოყვანაში თანამედროვე ტექნოლოგიები და უმაღლესი ხარისხის პრეპარატები ეხმარება. 

თავად 12 წელია „აგროსფეროს“ პრემიუმ პროდუქციას – Bayer-ის მცენარეთა დაცვის საშუალებებსა და Yara-ს სასუქებს – იყენებს. ის ხაზს უსვამს განათლების მნიშვნელობასა და მეურნეობაში თანამედროვე მიდგომების დანერგვის აუცილებლობასაც.


ლევან სირბილაძემ ვაშლის კრეფა უკვე დაასრულა. მოსავალი, გასული წლების მსგავსად, წელსაც უხვი გამოდგა. ახლა მის საწყობში სამი ჯიშის ვაშლი – პინოვა, გოლდენი და სტარტი ინახება. ნაწილის რეალიზაცია უკვე დაიწყო, ნაწილი კი ნელ-ნელა გავრცელდება ქართულ ბაზარზე.


მოსავლის აღებისა და დაბინავების მიუხედავად, ლევან სირბილაძეს დასვენებისთვის არ სცალია. მალე მომავალი შემოდგმისთვის მზადებას დაიწყებს – შეწამლავს, გასხლავს და გაასუფთავებს ხეებს.

„ძალიან მიყვარს ჩემი საქმიანობა. რომ არ მიყვარდეს, ალბათ, აქამდე თავს დავანებებდი“, – ამბობს ლევანი და მომავალი სამუშაოებისთვის ემზადება.

]]>Thu, 02 Nov 2023 10:57:08 +0400<![CDATA[თანამედროვე ფერმერი - დიმიტრი ბანკანაშვილი]]>https://blog.agrosphere.ge/blogs/post/დიმიტრი-ბანკანაშვილიჩემი ურთიერთობა სოფლის მეურნეობასთან და ბუნებასთან ბავშვობიდან იწყება. ბუნების სიყვარული ჩამინერგა ჩემმა ბაბუამ, ასევე დიმიტრი ბანკანაშვილმა, რომელიც 80-90-იან წლებში სოფლის მეურნეობაში ინოვაციური მიდგომებით გამოირჩეოდა...]]>

დიმიტრი ბანკანაშვილი

"ჩემი ურთიერთობა სოფლის მეურნეობასთან და ბუნებასთან ბავშვობიდან იწყება. ბუნების სიყვარული ჩამინერგა ჩემმა ბაბუამ, ასევე დიმიტრი ბანკანაშვილმა, რომელიც 80-90-იან წლებში სოფლის მეურნეობაში ინოვაციური მიდგომებით გამოირჩეოდა. მეც ფეხი ფაქტობრივად მის გაშენებული ხეხილის ბაღში ავიდგი…


ჩემი ერთი ჩვეულებრივი დღე ჩვენს ფერმაში არსებული სხვადასხვა მარცვლოვანი კულტურისა და ხილის ბაღის შემოვლით იწყება. ვფიქრობ, აუცილებელია ფერმის ყოველდღიური მონიტორინგი, რათა არაფერი გამომეპაროს და ნებისმიერ გამოწვევას თავის დროზე ვუპასუხო.


აგროსფეროსთან ურთიერთთანამშრომლობის 4–წლიანი გამოცდილება მაქვს. ყველაზე მნიშვნელოვანი ფაქტორი, რაც ჩვენს წარმატებულ თანამშრომლობას განაპირობებს, ესაა აგროსფეროს სწრაფვა თანამედროვე მიდგომებისადმი. ისინი მუდამ ცდილობენ თითოუელ პრობლემას მიუდგნენ ინოვაციურად და შემოგვთავაზონ ეფექტიანი, ხარისხიანი და პრობლემაზე ორიენტირებული პროდუქტები.


ჩემთვის თანამედროვე ფერმერობა ნიშნავს, სოფლის მეურნეობაში სხვადასხვა გამოწვევას ყოველდღე ახალი ტექნოლოგიებისა და ინოვაციური მეთოდების დახმარებით პასუხობდე.


მთავარი, რაც სხვა ფერმერებს შემიძლია ვურჩიო, ესაა ფეხის აწყობა თანამედროვე მიდგომებსა და ტექნოლოგიებთან, რათა წლიდან წლამდე გავზარდოთ მატერიალური დოვლათი, რაც, საბოლოოდ,  ქვეყნის განვითარებისთვისაა უმნიშვნელოვანესი.

მე სხვა გზას, ფაქტობრივად, ვერ ვხედავ." - დიმიტრი ბანკანაშვილი, თანამედროვე ფერმერი

]]>Wed, 01 Jun 2022 11:23:00 +0400