კამპანიების „მზადება დიდი შემოდგომისთვის“ და „დიდი შემოდგომა“ ფარგლებში საზოგადოებას 18 თანამედროვე ფერმერი გავაცანით. გადამღებ ჯგუფთან ერთად, საქართველოს რეგიონებში ათზე მეტი სოფელი მოვიარეთ და ვიდეო სერია გადავიღეთ. ვიდეო სიუჟეტები შეიცავს იმ ადამიანების ისტორიებს, რომლებიც დღეს საქართველოში თანამედროვე სტანდარტების შესაბამის სასოფლო–სამეურნეო კულტურებს აწარმოებენ.

მიხეილ ქურხული 10 წელია სასოფლო-სამეურნეო საქმიანობაშია ჩართული. ბოლო რამდენიმე წელია ვენახიც გააშენა და, ძირითადად, ვაზის მოვლა-მოყვანითაა დაკავებული. მიხეილის საშემოდგომო სამზადისი ახლა აქტიურ ფაზაშია, რაშიც „აგროსფერო“ და მისი კონსულტანტები ეხმარებიან.

როგორია თანამედროვე ფერმერის მზადება შემოდგომისთვის და როგორ შედეგს ელოდება ის წლის მიწურულს? – მიხეილ ქურხულს ამ და სხვა კითხვებით მივმართეთ.

როგორ ემზადებით შემოდგომისთვის, რა სამუშაოები შეასრულეთ უკვე?

ვაზის გასხვლა დასრულებულია, სასუქებიც უკვე შევიტანეთ ნიადაგში. ტრადიციულად, კომპლექსური გრანულირებული სასუქი იარამილა გამოვიყენე, რომელიც მაღალი ხარისხით გამოირჩევა და იდეალურია ვაზის გამოკვებისთვის. ის შეიცავს კულტურისთვის საჭირო ყველა ელემენტს და არის მდგრადი, რაც ამცირებს სასუქის დანაკარგს. შემდეგი ეტაპი ვაზის ე.წ. დაკავებაა, რასაც მალე შევუდგებით.

კიდევ რა აგროპროდუქციას იყენებთ აქტიურად თქვენს აგრომეურნეობაში?

სასოფლო-სამეურნეო პროდუქციის შერჩევისას „აგროსფეროს“ კონსულტანტები მეხმარებიან. მათ სრულად ვენდობი, რადგან კომპანიის სპეციალისტებს დიდი ცოდნა და მრავალწლიანი გამოცდილება აქვთ. პროდუქცია კი, რომლებსაც გუნდი გვთავაზობს, ინოვაციური მახასიათებლებით გამოირჩევა.

იარამილას გარდა, აქტიურად ვიყენებ „აგროსფეროში“ ხელმისაწვდომ მცენარეთა დაცვის საშუალებებსაც. უკვე მაქვს ჩემი რჩეული პროდუქტები, BAYER-ის წარმოების მიკალ ფლეში და მოვენტო. ასევე, IQV-ს წარმოების კუპერტინ სუპერი, იროკო და პირიფოსი. ამ პრეპარატებს მოქმედების მაღალი უნარი აქვთ, რის გამოც მათ, სხვა მცენარეთა დაცვის საშუალებებთან შედარებით, ნაკლები სიხშირითა და ოდენობით ვიყენებ. რაც მთავარია, BAYER-ისა და IQV-ს პრეპარატები ვაზის ჯანსაღ ზრდა-განვითარებას უზრუნველყოფს, თანაც, ისინი ნაკლებ გავლენას ახდენს გარემოზე.

როგორ მოსავალს ელოდებით წელს?

სასოფლო-სამეურნეო პროდუქტები და მცენარეთა დაცვის საშუალებები, რომლებსაც წელს ვიყენებ, უკვე გამოცდილი მაქვს. ვიცი, რომ მათი დახმარებით ყურძნის ხარისხი გაცილებით უმჯობესდება, რაც, ცხადია, საბოლოო პროდუქტზე, ღვინოზეც აისახება. მჯერა, გამონაკლისი არც წლევანდელი მოსავალი იქნება და ამჯერადაც მაღალი ხარისხის, გამორჩეული გემოსა და არომატის ღვინის შექმნას შევძლებ.

"5 წელია ვაზს ვუვლი. ვენახი მამაჩემმა დამიტოვა, იმის შემდეგ მე მაბარია. კახეთში უკეთესს ვერაფერს გააკეთებ, ვენახი უნდა გქონდეს. ვაზს შვილივით უნდა მოვლა, სიყვარულით. ამის სიტყვებით თქმა ძნელია.

თუ კარგად მოუვლი სირთულე არაფერია. მოვლაა მთავარი. ახალგაზრდები უნდა დაკავდნენ მევენახეობით, კახეთში ვაზი ყველაფერია და უნდა მიხედონ აუცილებლად. ვაზი თუ არ მოიყვანე, უკეთესი რა უნდა ქნა. თან ეს ყველაზე სასიამოვნო და მომგებიანი საქმიანობაა ამ დროისთვის." 

"ფერმერობა ბავშვობიდან დავიწყე. ოჯახში 70-მდე სული საქონელი გვყავდა. მევენახეობა კი - უკვე ორი წელია გადავწყვიტე. ჩემი საქმიანობით კმაყოფილი ვარ. რასაც აკეთებ, უნდა გიყვარდეს პირველ რიგში. თუ არ გიყვარს ვაზი, გამორიცხულია, მხოლოდ ფულის გულისთვის არ გამოვა არაფერი. ნელ-ნელა წინ მივდივართ.

ჩემთვის, როგორც კახელი კაცისთვის, ვაზი სულ სხვაა. როგორც იტყვიან საფერებლად შევდივარ და ვეფერები მოვლის დროს.
მევენახეობა არ არის მარტივი, თუმცა თუ მოინდომებ, რთული არაფერია. გული უნდა მოგდევდეს ამ საქმეში და ყველაფერი კარგად იქნება.

დამწყებებს ვურჩევ არ დაიწყონ ჰექტრებით, ჯობს ნელ-ნელა დალაგდნენ და ისწავლონ - ჯერ მცირე მიწიდან დაიწყონ, შემდეგ კი გაფართოვდნენ. მეც ასე დავიწყე, პატარა ვენახით და უკვე ვიცი რა არის საჭირო. ახლა თამამად შემიძლია ვთქვა, რომ არ გამიჭირდება დიდი ვენახის გაშენება. თავიდან რომ დამეწყო 10 ან 5 ჰექტრით, წყალში ჩამიცვივდებოდა ყველაფერი. ბევრი რამეა გასათვალისწინებელი და რა თქმა უნდა სპეციალისტების რჩევებთან ერთად თუ პრაქტიკა არ გაიარე, მაინც რთულია.

მართალია, ვაზს ჩემთვის ძალიან დიდი შემოსავალი არ
მოაქვს, რომ გავმდიდრდე, მაგრამ წლის ბოლოს ყოველთვის არის საჭირო დანაზოგი, რომელიც წაგვადგება. სხვა ბევრი დადებითი თვისებაც აქვს, ამის ახსნა მარტივი არ არის."

კახი იმერლიშვილი სოფელ არაშენდაში მევენახეობით არის დაკავებული:

"ბავშვობიდან ასე გავიზარდე, სულ ვენახი, ფერმერობა იყო ჩემი საქმიანობა. ჩემს ოჯახს ვეხმარებოდი სხვადასხვა სამეურნეო საქმეში, პირუტყვის მოვლა იქნებოდა თუ ვენახთან მუშაობა. ფერმერობაზე სერიოზულად სკოლის დამთავრების შემდეგ დავფიქრდი.

ვაზი ოჯახში სულ გვქონდა, ყოველთვის ვუვლიდით და ყურძენი მოგვყავდა. კონკრეტულად მევენახეობა ყველაზე მომგებიანი დარგია ამ სფეროში, ალბათ ამ ფაქტორმა განაპირობა ჩემი არჩევანი. ვენახი, რომელსაც ახლა ვუვლი, ჩემი საკუთრება არ არის, თუმცა მფლობელმა მე ჩამაბარა, რადგან მენდობოდა და იცოდა, რომ კარგად მივხედავდი. ვაზის გარდა ხორბალიც მომყავს, ფერმაც მაქვს იქეთ სოფელში.

პრობლემებსაც ვუმკლავდებით. წინა წლებში მთავარი სირთულე გვალვა იყო, თუმცა წელს წვეთოვანი სარწყავი შევიძინე, რაც ამ პრობლემას მომიხსნის. თანამედროვე პრეპარატები ძალიან ხარისხიანია და ძალიან კმაყოფილები ვართ.

დამწყებ ფერმერებს მევენახეობას მომგებიანობის გამო ვურჩევ. სოფელში ასეა, უნდა მივხედოთ მიწას, ვაზს, პირუტყვს. ეს ჩვენთვის ძირითადი შემოსავლის წყაროა, ჩემი აზრით კი ვაზი ყველაზე მომგებიანია"